Dünənki "Qarabağ" - "Çelsi" matçından sonra dünya ictimaiyyətində bu nəticənin əks-sədası hələ də gəlməkdə davam edir.

90plus.az xəbər verir ki, dünyaca məşhir ingilis idman saytı "Skysports" "Qarabağ"ın uğurlarından danışdı. Saytın idman analisti və redaktoru Laura Hanter komandamız haqqında maraqlı fikirlər səsləndirib. Onun fikrinə görə "Qarabağ"ın bu uğuru qətiyyən təsadüf deyil. 

"Düzdür, "Çelsi" güclü rəqibə qarşı xal itirmədi. Ancaq "Qarabağ" qazandığı xallarla burada nə üçün olduğunu sübut etdi".

Onun fikrincə "Çelsi"nin baş məşqçisi Enzo Mareskanın komandada etməli hələ çox şey var:

"Şübhəsiz ki, Mareska üçün əsas hiss peşmaçılıq olacaq — komandası hesabda önə keçməsinə baxmayaraq, üstünlüyünü qoruyub saxlaya bilmədi və "Qarabağ"  ilə heç-heçə oynayaraq ilk səkkizlik sıralarına yüksəlmək fürsətini əldən verdi.

"Çelsi" oyuna tam köklənə bilmədi — ardıcıllıq çatışmazlığı və təcrübəsizlik komandanı zəif vəziyyətə saldı. Mareska start heyətində yeddi dəyişiklik etmişdi, orta yaş isə cəmi 23 il 97 gün idi — bu qərar nəticə vermədi.

İlk 10 dəqiqədə zədə problemi yaşayan Romeo Lavianın yerinə Kaysedo daxil olmalı oldu, fasilədə isə daha yaxşı balans və keyfiyyət üçün üç futbolçu əvəzləndi. Əvəzlənən oyunçulardan Delap və Qarnacho birlikdə bərabərlik qoluna imza atdılar.

Bu komanda hələ ki, geniş heyət rotasiyası ilə eyni səviyyədə oyun sərgiləmək gücündə deyil. Müdafiədə Tosin və Jorrel Hato zəiflik nümayiş etdirdilər, hücumda isə Ceymi Gittenz və Tayrik Corc tamamilə təsirsiz qaldılar.

Mareska üçün görüləcək çox iş var".