İtaliyanın “Kremoneze” klubunun forvardı Ceymi Vardi xoş olmayan bir vəziyyətlə qarşılaşıb.

90plus.az xəbər verir ki, 38 yaşlı hücumçunun evi qarət olunub. Hadisə A Seriyasının 12-ci turunda “Roma” ilə keçirilən oyun (1:3) zamanı baş verib. Quldurlar futbolçu və ailəsi evdə olmadığı vaxt pəncərəni sındıraraq içəri daxil olub, bahalı saatlar, zinət əşyaları və nağd pul aparıblar. İlkin hesablamalara əsasən, zərərin məbləği təxminən 100 min avrodur.

Polisin açıqlamasına görə, oğrular əvvəlcədən futbolçunun, həyat yoldaşının və övladlarının hərəkətlərini izləyiblər və evin boş qalacağı anı müəyyənləşdiriblər.