İran millisinin 2026-cı il dünya çempionatında iştirakı ilə bağlı yeni şərt irəli sürülüb.
90plus.az xəbər verir ki, İran milli komandası turnirdə iştirak üçün oyunlarının ABŞ-da deyil, başqa ölkədə keçirilməsini istəyir. İran tərəfi təhlükəsizlik səbəblərini əsas gətirərək matçların Meksikada təşkil olunmasını tələb edir.
Bildirilib ki, bu şərtin qəbul olunacağı halda komanda mundialda çıxış edə bilər. Əks halda isə İran millisinin turnirdən imtina ehtimalı gündəmdədir.
Qeyd: 2026-cı il dünya çempionatı ABŞ, Kanada və Meksikanın birgə ev sahibliyi ilə keçiriləcək və İran yığmasının iştirakı hələ də sual altındadır.
