"Liverpul" mövsümün son turunda "Brentford" ilə oyundan öncə Çempionlar Liqasına vəsiqə uğrunda mübarizədə vəziyyətə nəzarəti əlində saxlayır. Bununla belə, "Bornmut" hələ də 5-ci yer uğrunda yarışda onları geridə qoymaq şansına malikdir.
90plus.az xəbər verir ki, Andoni İraolanın rəhbərliyi altında uğurlu mövsüm keçirən “Bornmut”un nəticələri ispaniyalı mütəxəssisin gələcəyi ilə bağlı söz-söhbətləri daha da artırıb. Xüsusilə, Xabi Alonsonun “Çelsi”yə təyinatından sonra İraolanın "Liverpul" ilə adı daha çox hallanmağa başlayıb. Klubun Arne Slot ilə yollarını ayıracağı halda onun əsas namizədlərdən biri olduğu bildirilir.
Artan iddialara baxmayaraq, İraola hazırda bütün diqqətini “Bornmut”a yönəltdiyini və gələcəyi ilə bağlı qərarı mövsüm başa çatdıqdan sonra verəcəyini bildirib. Bask mütəxəssis yaxın zamanda "Kristal Pelas" ilə bağlı yayılan xəbərləri də təkzib edərək, mövsüm davam etdiyi müddətdə başqa təkliflər barədə danışmağın hörmətsizlik olacağını vurğulayıb.
