İrlandiya idman mətbuatının gündəmi də bu gün "Şelburn" - "Qarabağ" matçına yönəlib.

90plus.az İrlandiya mətbuatının komandamız və matç haqqında düşüncələrini təqdim edir:

İrlandların ən məşhur futbol saytı "Extratime.com" əsas xəbər manşetini "Şelburn" - "Qarabağ" matçına ayırıb. Sayt 2 fərqli başlıqda bu xəbəri təqdim edib. Onlar xəbərin birində "Qarabağ" haqqında, Avropadakı uğurlarını qeyd ediblər. Komandanın 11 mövsümdür Avropada olması xüsusilə qeyd edilib. "Qarabağ"ın son Azərbaycan çempionatında yalnız 3 məğlubiyyət aldığını, 86 qol vurub, 19 qol buraxdığını oxucuların diqqətinə çatdırıblar. 

Digər xəbərdə isə "Şelburn"un məşqçisi Damian Dafın istefa verməsi, yeni baş məşqçisi O"Braynın təyinatı və "Şkendiya" - FKSB oyunu haqqında məlumat verilib. Xəbərdə "Qarabağ"ın 2017-də UEFA Çempionlar Liqasının qruplarında oynadığı da qeyd olunub.

Qeyd: "Şelburn" - "Qarabağ" oyunu bu gün 22:45-də İrlandiyada baş tutacaq. Oyunu Xorvatiyadan olan hakim Ante Sulina idarə edəcək.