Markus Reşford "Barselona"nın Kral Kubokundakı qələbə qolunun müəllifi oldu. "Barselona" 1/8-ə yüksəldi.
90plus.az xəbər verir ki, "Barselona" Kral Kubokunun 1/16 finalında üçüncü liqa komandası "Qvadalaxara" üzərində çətin qələbə qazandı.
La Liqa liderləri ötən mövsüm maraqlı finalda rəqibləri "Real Madrid"i məğlub edərək turnirdə 32-ci titulunu qazanmışdı, bu dəfə isə xeyli dəyişikliklə meydana çıxdı və qələbə üçün ciddi səy göstərmək məcburiyyətində qaldı.
Qolsuz keçən ilk yarıdan sonra müdafiəçi Andreas Kristensen 14 dəqiqə qalmış "Barselona"nı önə çıxardı, 90-cı dəqiqədə isə Reşford nəticəni həll etdi:
Qvadalahara 0 - 2 Barselona
A. Kristensen 76’
M. Reşford 90’
İspaniya Kral Kuboku, 1/16 final
ℹ️ "Deportivo La Korunya", "Elçe", "Real Sosyedad" və "Valensiya" da bu gecə qələbə qazanaraq "Barselona" ilə birgə son 16-lığa yüksəldilər. "Real Madrid" isə çərşənbə günü "Talavera"da oynayacaq.
Flikin komandası üçün növbəti oyun La Liqada bazar günü "Vilyareal"a qarşı olacaq.
