"Baskoniya" basketbol klubunun yeni baş məşqçisi Paolo Qalbiati oldu.

90plus.az xəbər verir ki, İspaniyanın Avroliqa təmsilçilərindən olan "Baskoniya" Pablo Laso ilə yolların ayrılmasının ardından baş məşqçi vəzifəsinə Paolo Qalbiatinin gətirildiyini rəsmi olaraq açıqlayıb.

Keçmiş mövsümdə İtaliyanın "Akvila Basket Trento" klubunun sükanı arxasında uğurlu çıxış edən və komandasını İtaliya A Seriyasında dördüncü yerə daşıyan təcrübəli mütəxəssislə iki illik müqavilə imzalanıb.

İspaniya mətbuatına görə, "Baskoniya" rəhbərliyi Paolo Qalbiatinin yaratdığı sistem və gənc oyunçularla işləmə bacarığına görə bu seçimi edib.