“Jirona” “Atletiko”nun fransalı yarımmüdafiəçisi Toma Lemarı heyətinə cəlb etməyə hazırlaşır.

90plus.az xəbər verir ki, bu barədə tanınmış insayder Fabrizio Romano məlumat yayıb.

Məlumata görə, Lemarın “Jirona”ya icarəsi 2026-cı ilin yayına qədər davam edəcək. Kataloniya təmsilçisi futbolçunun maaşının yarısını – 50 faizini qarşılayacaq.

Qeyd: Toma Lemar 2018-ci ildə “Monako”dan “Atletiko” Madridə 65 milyon avroya transfer olunmuşdu. O, La Liqada 125 oyunda meydana çıxıb və 9 qola imza atıb. Fransalı futbolçu ötən mövsüm cəmi 8 matçda iştirak edib və məhsuldar göstərici ilə fərqlənməyib.