Tuttosporta verdiyi müsahibədə “Milan”ın sabiq sağ cinah müdafiəçisi Kafu “rossoneri” ətrafında dolaşan transfer söz-söhbətlərindən danışıb.

90plus.az xəbər verir ki, o, xüsusilə Kristofer Nkunku yanvar ayında komandadan ayrıla biləcəyi halda, klubun yeni hücumçu transfer etməsi ehtimalına diqqət çəkib.

“Milana bir məsləhət görüm? Bu, risksiz seçimdir, çünki istənilən İtaliya klubu üçün işləyə bilər. Rayan Roşa fantastik istedaddır. Çox keyfiyyətlidir və birəbir vəziyyətlərdə sürətlidir: futbol oynamağı bacarır və qol hissiyyatı da var”, – deyə Kafu bildirib.

“Onun cəmi 19 yaşı var və doğrudan da böyük futbolçuya çevrilə bilər. Mövqeyi? Hücumda, yaradıcılığı sayəsində həm əsas hücumçu, həm də ikinci forvard kimi oynaya bilər – məşqçidən asılı olaraq.”

Kafu 2006-cı il təvəllüdlü, “Vasko da Qama”nın braziliyalı hücumçusu Rayanı nəzərdə tutub. Gənc futbolçunun bazar dəyəri təxminən 25–30 milyon avro arasında qiymətləndirilir.

ℹ️ Rayan Braziliyada keçirdiyi mövsümdə 57 oyunda 20 qol və 1 məhsuldar ötürmə ilə diqqət çəkib. O, ümumilikdə təxminən 4 600 dəqiqə meydanda olub.