İspaniya millisinin sabiq qapıçısı Santi Kanyisares “Real Madrid”in hücumçusu Vinisius Juniorun hazırkı formasının klubdan tələb etdiyi yüksək maaşla uyğun gəlmədiyini bildirib.

90plus.az xəbər verir ki, keçmiş madridli futbolçu mövzu ilə bağlı deyib:
“Əgər məbləğ Vinisiusun indiki çıxışına əsaslanırsa, açığı, danışılan astronomik rəqəmlərlə üst-üstə düşmür. Masaya qoyulacaq rəqəmlərə uyğun gəlmir. Amma reallıq budur ki, onun istədiyi maaş “Real Madrid”dəki əksər futbolçuların qazancına da uyğun deyil.

Futbolçu agentinə deyir ki, kluba təzyiq göstərsin, çünki müqaviləsinin müddəti qısadır və tezliklə başa çatacaq.

Klub isə gözləntilərə və onun keçmişdə etdiklərinə görə ödəniş etməlidir. Çünki o, bir vaxtlar əla futbolçu idi, “Qızıl top”a çox yaxın olmuşdu və Çempionlar Liqasını qazanmışdı”.

Qeyd: Bu mövsüm nadir hallarda rast gəlinən qol quraqlığı yaşayan Vinisius Juniorun “Real Madrid”lə mövcud müqaviləsi 2027-ci ilin iyun ayında başa çatacaq.