Alvaro Kareras “Real Madrid”ə qayıtdığı üçün qürur hissi keçirdiyini bildirib. “Benfika”dan Madrid klubuna keçid edən müdafiəçi rəsmi təqdimat mərasimində duyğusal anlar yaşayıb.
90plus.az xəbər verir ki, yeni transferin təqdimat mərasimi zamanı azarkeşlərə müraciət edən Kareras bu sözləri deyib:
“Bura bir uşaq kimi gəlmişdim, indi isə bir kişi kimi qayıdıram.
Bütün gücümü verəcəyimə söz verirəm. Meydanda hər dəqiqə uğrunda döyüşəcəyəm və əlimdən gələni edəcəyəm. Hala Madrid!”
Qeyd: Kareras “Benfika”nın heyətində 68 oyunda meydana çıxıb, 5 qol vurub və 6 məhsuldar ötürmə verib.
O, həmçinin “Real Madrid” tarixində transfer edilən ikinci ən bahalı müdafiəçi olması ilə bağlı fikirlərini bölüşüb. Kareras bu statusa və Xabi Alonso ilə ilk dialoquna da toxunub:
“Xabi ilə danışdım? Bəli, o məni təbrik etdi.
“Madrid” tarixində ikinci ən bahalı müdafiəçi olmaq? Mənim üçün fərqi yoxdur, sakitəm.
Bütün dostlarım madridistadır, onlara xəbər verəndə dəli oldular. Amma hələ özümü sübut etməliyəm.”
Xatırlatma: Alvaro Kareras “Real Madrid”ə 50 milyon avroya transfer olunub və komandada 18 nömrəli formanı geyinəcək.
