“Yuventus” Kenan Yıldızla danışıqlarda dalana dirənib – “Arsenal” və “Çelsi” pusqudadır.
90plus.az xəbər verir ki, “Yuventus” Türkiyənin parlaq istedadı Kenan Yıldızla müqavilə danışıqlarında ciddi çıxılmaz vəziyyətlə üzləşib. Qış transfer pəncərəsinə cəmi bir neçə həftə qalmış tərəflər arasında razılaşma əldə olunmaması Premyer Liqa nəhəngləri “Arsenal” və “Çelsi”ni hərəkətə gətirib. Caught Offside nəşrinin məlumatına görə, danışıqların tam pozulacağı halda hər iki klub dərhal transfer üçün addım atmağa hazırdır.
Adi müqavilə yenilənməsi kimi başlayan proses “Yuventus” üçün strateji dilemma çevrilib. 20 yaşlı futbolçunun nümayəndələri onun sürətli yüksəlişini və hazırkı bazar dəyərini əks etdirən maaş tələb edir.
Maliyyə uçurumu
Bu mövsüm bütün turnirlərdə 21 oyunda 6 qol və 6 assistlə yadda qalan Yıldız hazırda illik təxminən 1,5–1,7 milyon avro qazanır. Onun tərəfi maaşın təxminən 6 milyon avroya qaldırılmasını istəyir. “Yuventus” isə hələlik bu rəqəmlə razılaşmır. Bu fərq xarici klubların marağını daha da artırıb. Transfer eksperti Pit O’Rurk hücumçunu dünya futbolunun ən “isti” gənc adlarından biri kimi dəyərləndirib ki, bu da İtaliya klubuna təzyiqi artırır.
Premyer Liqa izi...
“Çelsi” əsas namizədlərdən biri olaraq qalır. London klubu ötən yay “Yuventus”un rədd etdiyi 70 milyon avroluq təkliflə marağını artıq nümayiş etdirib. “Zadəganlar” futbolçunun işlərini idarə edən “super-agent” Jorje Mendeşlə güclü əlaqələrinə güvənir və Yıldızı gələcəkdə yüksək satış dəyəri olan elit istedadların cəlbi strategiyasının əsas hissəsi kimi görür.
“Arsenal” isə Yıldızın transferi uğrunda ciddi rəqib sayılır. Mənbələr “topçular”ın Mendeşlə birbaşa əlaqə qurduğunu bildirir. Texniki baxımdan güclü və çoxşaxəli hücumçulara üstünlük verən Mikel Artetanın “Emireyts”dəki layihəsi Yıldız və onun məsləhətçiləri üçün cəlbedici hesab olunur. Sənaye daxilindəki rəyə görə, “Yuventus” maaş məsələsində razılıq əldə etməsə, “Arsenal” sürətlə hərəkətə keçməyə hazırdır.
Yanvar yaxınlaşdıqca “Yuventus” çətin seçim qarşısındadır: maaş strukturunu pozaraq “10 nömrə”sini uzunmüddətli saxlamaqmı, yoxsa Londonun ən böyük klubları arasında milyonlarla avroluq transfer mübarizəsi riskini qəbul etməkmi?!
