“Yuventus”un türk hücumçusu Kenan Yıldız A Seriyasının son turunda zədələnib. Futbolçunun sol baldır əzələsində zədə aşkarlanıb.

90plus.az xəbər verir ki, bu səbəbdən onun Çempionlar Liqasının pley-off mərhələsi çərçivəsində “Qalatasaray”a qarşı keçiriləcək cavab oyununda iştirakı sual altına düşüb.

Kenan Yıldız 2022-ci ildə azad agent statusu ilə “Bavariya”dan “Yuventus”a keçib və Turin klubu ilə müqaviləsi 2030-cu ilin iyununa qədərdir. 20 yaşlı forvard cari mövsümdə bütün turnirlərdə 35 oyunda 9 qol vurub və 8 məhsuldar ötürmə edib.

“Yuventus” – “Qalatasaray” qarşılaşması fevralın 25-də baş tutacaq.