Keyn: “Bavariyada qalmaq variantını tam real görürəm” ⚽️🇩🇪
90plus.az xəbər verir ki, “Bayern Münhen”in hücumçusu Harri Keyn gələcəyi ilə bağlı “The Guardian”a açıqlama verib. İngiltərə millisinin kapitanı həm “Premyer Liqa”ya mümkün qayıdış, həm də Almaniya klubunda yeni müqavilə ehtimalı barədə danışıb.
“Bavariyada daha uzun müddət qalmaq variantını tam real görürəm. Hələ bu barədə klubla danışmamışıq, amma belə bir məsələ gündəmə gəlsə, açıq şəkildə söhbət etməyə hazıram,” – deyə Keyn bildirib.
O, həmçinin İngiltərəyə qayıtmaq fikrinin əvvəlki kimi güclü olmadığını vurğulayıb:
“Əgər mənə ‘Bavariya’ya keçdiyim ilk vaxtlar sual versəydiniz, qayıdacağımı qəti şəkildə deyərdim. Amma artıq burada bir neçə il keçirdikdən sonra bu istək bir qədər azalıb. Bununla belə, heç vaxt qayıtmayacağımı da demirəm.”
Keyn hazırkı vəziyyətdən məmnun olduğunu da əlavə edib:
“Tamamilə ‘Bavariya’ya fokuslanmışam. Əgər müqavilənin uzadılması ilə bağlı danışıqlar olsa, görəcəyik. Hələ bu mövsüm və növbəti mövsüm buradayam. Təlaş yoxdur. Özümü sakit hiss edirəm, baş məşqçini çox sevirəm. Komanda və mən inkişaf etdiyimiz müddətcə burada xoşbəxtəm və birlikdə nələrə nail olacağımızı görmək istəyirəm.”
📷 Mənbə: Fabrizio Romano / The Guardian
