"Bayern Münhen" klubunun hücumçusu Harri Keyn 2025/2026 mövsümündə “Qızıl buts” mükafatına əsas namizəd kimi göstərilir.
90plus.az xəbər verir ki, onun ölkə çempionatında vurduğu 30 qol 60 xal deməkdir. "Real Madrid"in forvardı Kilian Mbappe 23 qolla (46 xal) liderdən 14 xal geri qalır. İlk üçlüyü isə "Mançester Siti"nin hücumçusu Erlinq Haland tamamlayır – 22 qol və 44 xal.
Xallar xüsusi sistemlə hesablanır: futbolçunun vurduğu qollar müvafiq liqanın əmsalına vurulur. Avropanın ilk beşlik çempionatlarında hər qol 2 xal, 6–21-ci yerlər arasında qərarlaşan liqalarda 1,5 xal, digər liqalarda isə 1 xal kimi qiymətləndirilir.
Kilian Mbappe 2024/25 mövsümündə “Qızıl buts”un sahibi olub. 26 yaşlı hücumçu La Ligada keçirdiyi ilk mövsümdə 31 dəfə fərqlənib.
