“L’Équipe”in məlumatına görə, Fransa millisinin təhlükəsizliyinə cavabdeh olan vəzifəli polis zabiti Kilian Mbappe tərəfindən  60 300 avro pul alıb.

90plus.az xəbər verir ki, həmin zabit ödənişlə bağlı mümkün qayda pozuntusuna görə Fransa polisinin daxili nəzarət orqanı olan IGPN tərəfindən araşdırılıb.

Çərşənbə axşamı keçirilən intizam iclası heç bir cəza tədbirinin tətbiq olunmaması ilə başa çatıb.

Məlumata görə, Mbappe bu ianəni şəxsi səbəblərlə edib və bu, rüşvət xarakteri daşımayıb. Lakin hadisə milli komandanın təhlükəsizlik xidməti ilə bağlı etik və şəffaflıq məsələlərini gündəmə gətirib.

Fransa rəsmiləri müəyyən ediblər ki, ödəniş qeyri-adi olsa da, zabitin peşə fəaliyyətinə dair korrupsiya və ya qanunsuzluq göstəricisi aşkarlanmayıb.

Bu qərarla iş rəsmi şəkildə bağlanıb, amma hadisə Fransada şəxsi səxavət və peşəkar davranış arasındakı sərhədlər barədə müzakirələrə səbəb olub.