"Oviedo” azarkeşləri irqçilik səbəbilə cəzalandırılacaq.

90plus.az xəbər verir ki, Asturiyanın “Oviedo” klubu La Liqanın 2-ci turunda evdə “Real Madrid”ə 0:3 hesabı ilə uduzub. Qarşılaşma zamanı meydan sahiblərinin azarkeşləri Vinisius Junior və Kilian Mbappeni “meymun səsləri” ilə təhqir ediblər.

Klubun prezidenti Martin Pelaes hadisə ilə bağlı açıqlama verib:

🗣️ “Yaranmış səs-küy fonunda bildirmək istəyirik ki, klubumuz irqçiliyin hər bir formasına qarşıdır. Hazırda klubun təhlükəsizlik xidməti və polis ilə birlikdə məsələni araşdırırıq. Əgər bu hadisənin baş verdiyinə dair sübut tapsaq, mütləq şəkildə cəza tədbirləri görəcəyik. Çünki belə hallara dözümlü ola bilmərik”.