Almaniyanın Bundesliqa komandası "Köln"ün baş məşqçisi Lukas Kvasnyok "Maynts" ilə keçirilən mövsümün açılış oyununa qeyri-adi geyimlə çıxaraq azarkeşləri təəccübləndirib.

90plus.az xəbər verir ki, 44 yaşlı mütəxəssis ənənəvi idman geyimi və ya kostyum əvəzinə birbaşa klubun ev formasını geyinərək texniki zonaya çıxıb.

Qələbədən sonra açıqlama verdi

"Maynts" səfərində qazanılan 1:0 hesablı qələbədən sonra mətbuat konfransında danışan Kvasnyok bu qərarının səbəbini belə izah edib:

“Formanın sponsor tədbirində təqdimatını gördüm və tüklərim biz-biz oldu. Qara forma da məni eyni dərəcədə təsirləndirdi. Elə orada qərar verdim: Əgər icazə verilirsə, bu formanı geyinəcəm. Çünki bu kluba sadiqəm və bu formanı qürurla daşıyıram.”

Hazırcavab zarafat da etdi

Kvasnyok həmçinin zarafatla geyim seçiminə görə bir səbəb də əlavə edib:

“Qara və ağ-qırmızı rənglərin birləşməsi insanı bir az daha arıq göstərir deyə düşündüm. Amma oyundan sonra televizorda gördüklərimə əsaslansaq, bu, o qədər də uğurlu alınmayıb.”