Vinsent Kompani: “Edin Ceko Şalke üçün çox vacib transfer ola bilər”.
90plus.az xəbər verir ki, “Bayern Münhen”in baş məşqçisi Vinsent Kompani “Şalke”nin 39 yaşlı hücumçu Edin Cekonu transfer etməsi ilə bağlı fikirlərini bölüşüb.
Belçikalı mütəxəssis təcrübəli futbolçunun uzun illər yüksək səviyyədə qalmasının səbəbinin peşəkarlıq olduğunu vurğulayıb:
“Onun bu səviyyədə bu qədər uzun müddət oynamağa davam etməsinin arxasında böyük ölçüdə peşəkarlıq dayanır.
Biz bunu tez-tez Manuel Noyer haqqında da danışırıq – bu yaşda necə bu qədər formada qala bilirlər? Cavab sadədir: peşəkarlıq.
Qol vurmağı heç vaxt unutmursan. Bu mərhələdə Edin Ceko ‘Şalke’ üçün çox vacib transfer ola bilər. Karyeramda mənim üçün xüsusi yeri olduğu üçün ona ən yaxşısını arzulayıram.”
Qeyd: Vinsent Kompani və Edin Ceko “Mançester Siti”də eyni dövrdə çıxış ediblər: 2010–2015 Kompani – kapitan və əsas müdafiəçi, Ceko isə əsas hücumçulardan biri olub. Onlar birlikdə:
- 2 Premyer Liqa (2011/12, 2013/14)
- FA Cup
- Liqa Kuboku qazanıblar
