Bu gün UEFA Konfrans Liqasında pley-off mərhələsinin cavab oyunları keçirilib. Bütün qarşılaşmalar eyni günə təsadüf edib və bununla da 1/8 finala vəsiqə qazanan komandalar müəyyənləşib.
90plus.az xəbər verir ki, Türkiyə təmsilçisi “Samsunspor” doğma azarkeşləri önündə Şimali Makedoniyanın “Şkendiya” klubunu böyük hesabla məğlub edərək növbəti mərhələyə yüksəlib. İlk oyunda sərfəli nəticə qazanan komanda cavab görüşündə də üstün oyun nümayiş etdirərək adını 1/8 finalçılar siyahısına yazdırıb.
İtaliya təmsilçisi “Fiorentina” isə səfərdə Polşanın “Yagelloniya” klubuna məğlub olsa da, ilk matçdakı nəticə sayəsində mərhələ adlayan tərəf olub.
Beləliklə, UEFA Konfrans Liqasında 1/8 finala vəsiqə qazanan komandalar bunlardır:
- “Fiorentina” (İtaliya)
- “Samsunspor” (Türkiyə)
- “Selye” (Sloveniya)
- “Riyeka” (Xorvatiya)
- “Lex Poznan” (Polşa)
- “AZ Alkmaar” (Niderland)
- “Kristal Pelas” (İngiltərə)
- “Siqma” (Çexiya)
Qeyd: 1/8 final mərhələsinin püşkatma mərasimi fevralın 27-də, saat 17:00-da keçiriləcək.
