“Kristal Pelas” üçün oyun fırtınası: 8 günə 4 matç!
90plus.az xəbər verir ki, “Kristal Pelas” Karabao Kubokunun 1/4 finalına yüksəldiyi üçün Premyer Liqa və digər turnirlərin təqvim sıxlığı ilə üzləşib. “BBC Sport” yazır ki, London klubu cəmi 8 gün ərzində 4 oyun keçirəcək. Bu, İngiltərə futbolunda son illərin ən ağır təqvimlərindən biri sayılır.
Komandanın matç proqramı belədir:
- 14 dekabr – “Mançester Siti” ilə oyun
- 16 dekabr – Karabao Kuboku 1/4 finalı (rəsmi təsdiq gözlənilir)
- 18 dekabr – “KuPS”
- 21 dekabr – “Lids Yunayted”
Bu sıx təqvim komandanın fiziki hazırlığını və heyət genişliyini ciddi şəkildə sınayacaq. “Kristal Pelas” rəhbərliyi və azarkeşləri komandanın bu çətin dövrü necə keçirəcəyini maraqla izləyir.
