“Əl-Hilal” Yussef En-Nesiri üçün 30 milyon avro təklif edir – “Fənərbağça” 10 milyon artıq istəyir.

90plus.az xəbər verir ki, Səudiyyə Ərəbistanının ən iddialı klublarından olan “Əl-Hilal” Yussef En-Nesirinin transferində israrlıdır. Afrika mətbuatının yaydığı məlumata görə, ər-Riyad təmsilçisi mərakeşli hücumçunun keçidi üçün “Fənərbağça”ya 30 milyon avro ödəməyə hazırdır.

Lakin İstanbul klubu futbolçusunu bu məbləğə buraxmaq niyyətində deyil. “Fənərbağça”nın qiymət etiketi 40 milyon avro civarındadır və tərəflər arasında danışıqlar davam edir.

Transferin taleyinə qarşıdakı günlərdə aydınlıq gələcəyi gözlənilir. En-Nesiri “Fənərbağça”nın yay fasiləsində heyətinə qatdığı əsas hücumçulardan biridir və klub onunla bağlı ciddi gəlir əldə etməyi planlaşdırır.

📰: Africa Foot