Kristiano Ronaldonun formasını geyindiyi Səudiyyə Ərəbistanı təmsilçisi "Əl-Nəsr" "Barselona" ilə yollarını ayıran təcrübəli ispaniyalı müdafiəçi İnyiqo Martineslə 1 illik müqavilə imzalayıb.
90plus.az xəbər verir ki, klubun rəsmi açıqlamasında, 34 yaşlı futbolçu ilə azad agent statusunda razılığa gəlinərək, bir mövsümlük müqavilə bağlandığı bildirilib.
İnyiqo Martines peşəkar karyerası ərzində "Real Sosyedad" və "Atletik Bilbao" kimi İspaniya klublarında forma geyinib. O, 2023-cü ildə "Barselona"ya transfer olunmuşdu. Kataloniya təmsilçisinin heyətində 71 oyuna çıxan Martines 3 qola imza atıb və bu müddət ərzində La Liqa, İspaniya Kral Kuboku və İspaniya Superkuboku titullarını qazanıb.
"Əl-Nəsr" mövsüm öncəsi heyətini gücləndirməkdə davam edir. Baş məşqçi "Jorje Jesus"un rəhbərliyi altında çıxış edən komandanın heyətində "Kristiano Ronaldo", "Marselo Brozoviç", "Sadio Mane" kimi ulduz futbolçular da yer alır. Qısa müddət əvvəl "Joao Feliks"i də transfer edən "Əl-Nəsr", indi isə İnyiqo Martineslə müdafiə xəttini gücləndirib.
