“La Liqa”nın rəsmi saytına görə, “Elçe”nin baş məşqçisi Eder Sarabiya ayın ən yaxşı məşqçisi seçilib.

90plus.az xəbər verir ki, sentyabr ayında 44 yaşlı mütəxəssisin rəhbərliyi altında “Elçe” iki qələbə və iki heç-heçə əldə edib. “Franjiverdes” “Real Ovyedo”nu (1:0) və “Selta”nı (2:1) məğlub edib, “Sevilya” (2:2) və “Osasuna” (1:1) ilə isə bərabərə qalıb.

Mükafat uğrunda digər namizədlər sırasında “Real Madrid”in baş məşqçisi Xabi Alonso və “Barselona”nın çalışdırıcısı Hans-Diter Flik də var idi.

Hazırda “Elçe” La Liqa cədvəlində 13 xalla 7 turdan sonra 4-cü pillədə qərarlaşıb.