La Liqada VAR inqilabı: Baş məşqçilərə oyun ərzində VAR çağırışı hüququ veriləcək.
90plus.az xəbər verir ki, İspaniya La Liqasında 2025/26 mövsümündən etibarən VAR sistemində mühüm yeniliyə start veriləcək. Liqa rəhbərliyi bu gündən etibarən rəsmi şəkildə açıqlayıb ki, yeni mövsümdən baş məşqçilərə hər oyunda iki dəfə VAR-a müraciət etmək imkanı yaradılır.
Yenilik ABŞ-dakı digər idman növlərində tətbiq olunan “challenge” sisteminə bənzəyir və məqsəd hakim səhvlərinin minimuma endirilməsi, eyni zamanda ədalətli oyun mühitinin təşviq edilməsidir.
Yeni sistemin əsas qaydaları:
- Hər komandaya yalnız baş məşqçinin istifadə edə biləcəyi 2 VAR çağırma haqqı verilir.
- Əgər müraciət edilən epizodda hakimin qərarı dəyişdirilərsə, həmin çağırma haqqı saxlanılır.
- Əgər VAR müdaxiləsinə baxmayaraq qərar dəyişməzsə, çağırış hüququ itirilir.
- Yalnız müəyyən epizodlar (qol, penalti, qırmızı vərəqə, şəxsiyyətin qarışdırılması) üzrə çağırış edilə biləcək.
Bu yeniliyin La Liqada ədalətin təmin olunmasına və oyunun gedişatında baş verə biləcək ciddi səhvlərin qarşısının alınmasına kömək edəcəyi gözlənilir.
Qeyd: Bu cür sistem daha əvvəl FIFA və UEFA turnirlərində test edilməyib və La Liqa bu addımı ilə dünya futbolunda bir ilkə imza atmış olacaq.
