"Barselona"nın gənc futbolçusu Lamin Yamal komanda yoldaşı Qaviyə dəstəyini ifadə edib.

90plus.az xəbər verir ki, Yamal sosial media hesabında ispaniyalı yarımmüdafiəçi ilə birgə fotosunu paylaşaraq ona ürək sözlərini yazıb:

“Döyüşçüm, sənin əvvəlki kimi güclü qayıdacağına heç bir şübhəm yoxdur. Səni heç nə yolundan döndərə bilməz. Hamımız səni səbirsizliklə gözləyirik. Güc və sağlıq arzulayıram. Səni çox sevirəm.”

Qeyd: Qavi avqust ayının əvvəlində zədələnmişdi. 21 yaşlı futbolçuya menisk əməliyyatı olunub və bu səbəbdən təxminən 4-5 ay yaşıl meydanlardan uzaq qalacağı, ən tez fevral ayında komandaya qoşula biləcəyi bildirilib.