“Leypsiq” Yan Diomandeni qışda satmaq niyyətində deyil.

90plus.az xəbər verir ki, “Leypsiq” rəhbərliyi cinah oyunçusu Yan Diomandenin yanvar transfer pəncərəsində satılmayacağını açıq şəkildə bildirib. The Athletic nəşrinin jurnalisti Seb Stafford-Blura görə, Almaniya klubu futbolçu ilə bağlı danışıqlara yalnız gələn yay başlamağı planlaşdırır və mümkün transfer qiyməti təxminən 100 milyon avro ola bilər.

Klub Diomandeni son illərdə üzə çıxan ən perspektivli istedadlardan biri kimi qiymətləndirir. Ötən yay Almaniyaya transfer olunan 19 yaşlı futbolçunun çıxışı “RB Leeipziq” rəhbərliyini ciddi şəkildə heyran edib. Hərçənd planlar dəyişə bilər, lakin hazırkı mövqeyə əsasən, klub mövsümün sonuna qədər oyunçunu heyətdə saxlamaq istəyir.

Buna baxmayaraq, Yan Diomande İngiltərə Premyer Liqası klublarının diqqət mərkəzindədir. Məlumatlara görə, “Mançester Yunayted” və “Tottenhem Hotspur” skautları gənc cinah oyunçusunu canlı izləmək üçün artıq matçlara göndəriblər.

Qeyd: Yan Diomande bu mövsüm keçirdiyi 16 oyunda 7 qol vurub və 3 məhsuldar ötürmə ilə yadda qalıb.