"Barselona"nın hücumçusu Robert Levandovski “Real Madrid”in “Lamin Yamal” fenomenini təkrarlaya biləcəyinə şübhə etdiyini bildirib.
90plus.az xəbər verir ki, bu açıqlama Madrid klubunun “River Plate”dən 18 yaşlı argentinalı yarımmüdafiəçi Franko Mastantuononu transfer etməsindən sonra gəlib.
ESPN-ə verdiyi eksklüziv müsahibədə Levandovski deyib:
“Real Madrid” öz “Lamin”ini tapmaq cəhdləri ilə təzyiq altındadır. Məncə bu, mümkün olmayacaq, ən yaxşısı öz yolları ilə getmələridir. Belə oyunçular hər zaman doğulmur, bu, ömründə bir dəfə baş verə biləcək bir hadisədir.”
Levandovskinin bu sözləri "Real Madrid”in cümə axşamı Mastantuononu təqdim etməsi fonunda səslənib. Madrid təmsilçisi gənc futbolçunun Yamalın sürətli yüksəlişini təkrarlayacağına ümid edir. Yamal isə “Barselona”da misilsiz uğur qazanıb və “Qızıl top”un əsas namizədlərindən biri sayılır.
Bununla belə, Levandovski komanda yoldaşını müdafiə edərək, Yamalın istedadının unikallığını və belə fenomeni təkrarlamağın çətinliyini vurğulayıb:
“Bu, təkcə istedad məsələsi deyil; söhbət həm də bu gənc oyunçuların üzərinə qoyulan təzyiq və gözləntilərdən gedir”.
