Lionel Messi "İnter Mayami"nin heyətində növbəti qolunu vurub.

90plus.az xəbər verir ki, argentinalı ulduz "Nyu-York Siti" ilə "Major League Soccer" çərçivəsində keçirilən görüşdə (2:2) 61-ci dəqiqədə fərqlənib.

Bu qol Messinin peşəkar karyerasında 901-ci dəqiq zərbə olub. O, bunu 1143 oyunda reallaşdırıb. Təcrübəli futbolçunun aktivində həmçinin 407 məhsuldar ötürmə var.

Messinin karyerası üzrə qol bölgüsü belədir: "Barselona" – 672 qol, Argentina millisi – 115 qol, "İnter Mayami" – 80 qol, PSJ – 32 qol.

Müqayisə üçün qeyd edək ki, "Əl-Nəsr"in hücumçusu Kriştiano Ronaldo karyerası ərzində 1312 oyunda 965 qol vurub.