Karrager dünən “Sky Sports”da açıqlamasında Mo Salahı kəskin tənqid edib.
90plus.az xəbər verir ki, o, Salah haqqında bu sözləri deyib:
“Mo Salah “Liverpul”a gəlməmişdən əvvəl hamının gözündə “Çelsi”də uğursuz olmuş futbolçu idi. Bu, sadəcə faktdır. O, ölkəsinin ən böyük oyunçusudur, amma Misir Afrika Millətlər Kubokunu ən çox qazanan ölkə olsa da, Salah hələ də AFCON-u uda bilməyib.
“Liverpul”a gəldiyi vaxt superstar deyildi. Onun etdikləri mənim fikrimcə biabırçılıq idi. Əgər kimisə avtobusun altına atmaqdan danışırıqsa, Salah bunu səkkiz il boyunca “Liverpul”a etdi. Bütün bu illər ərzində onun nazı ilə oynamaq məcburiyyətində qaldığınızı təsəvvür edin”.
Qeyd: Salah son günlərdə tənqidi fikirləri ilə gündəmdədir. Artıq klubda onu istəməyənlərin sayı çoxalıb.
