İtaliya milli komandasının heyətində ciddi itki baş verib.

90plus.az xəbər verir ki, "Liverpul"un futbolçusu Federiko Kyeza zədə səbəbindən yığmadan kənarlaşdırılıb.

Bildirilib ki, 28 yaşlı vingerin yerinə baş məşqçi Cennaro Qattuzo "Bolonya"nın üzvü Nikolo Kambiaqonu heyətə dəvət edib.

Qeyd: İtaliya millisi DÇ-2026-nın seçmə mərhələsinin pley-off yarımfinalında Şimali İrlandiya ilə qarşılaşacaq. Oyun martın 26-da keçiriləcək.