Luis Dias satıldı, amma Federiko Kiesanın qərarı dəyişmədi – “Liverpul”dan ayrılmaq istəyir.

90plus.az xəbər verir ki, “Liverpul” yay transfer pəncərəsində hücum xəttində dəyişikliklərə davam edir. Klub kolumbiyalı ulduz Luis Diası satışa çıxarıb və onun gedişi artıq reallaşmaq üzrədir. Lakin bu, komandadakı digər ulduz hücumçu Federiko Kiesanın planlarını dəyişməyib.

Məşhur transfer insayderi Fabrizio Romanonun məlumatına görə, italiyalı futbolçu “Liverpul”dan ayrılmaqda israrlıdır. 26 yaşlı vingerin əsas səbəbi daha çox oynamaq istəməsidir.

Kiesa üçün əsas prioritet isə hələ də A Seriyasına qayıdışdır. İtaliya millisinin üzvü özünü doğma çempionatda daha rahat hiss etdiyini düşünür və Premyer Liqadakı vəziyyətindən tam razı deyil.

Qeyd: Kiesa ilə “Roma”, “Napoli” və keçmiş klubu “Yuventus” da maraqlanır. Onun “Liverpul”dan ayrılmaq istəyi bu klubların iştahını daha da artıracaq. Yaxın günlərdə oyunçunun gələcəyi ilə bağlı konkret addımların atılacağı gözlənilir.