PSJ-nin baş məşqçisi Luis Enrike komandasının Çempionlar Liqasının finalına  layiq olduğunu və "Arsenal" üzərində qələbə qazanandan sonra (3-1) kuboku qaldırmaqda qərarlı olduğunu söylədi.

90plus.az xəbər verir ki, 55 yaşlı ispan mütəxəssis gələn gündən məqsədinin ali kuboku ilk dəfə qaldıran baş məşqçi adını almaq olduğunu deyib:

"Futbolda heç bir məntiq yoxdur, amma burada olduğum ilk gün dedim ki, məqsədimiz tarix yaza bilmək üçün işləməkdir və bu, arzu olunan kuboku ilk qazanan olmaqdır".

"Statistikalar göstərdi ki, biz Liqa mərhələsi boyunca Avropanın ən yaxşı komandalarından biri idik və məncə, finala layiq olduğumuzu göstərdik".

Mikel Artetanın "Çempionlar Liqasında bizdən yaxşı komanda yoxdur" fikrinə münasibəti:

"Arteta əla dostdur, amma mən onunla qətiyyən razı deyiləm. Onlar ağıllı şəkildə oynadılar, amma biz onlardan daha çox qol vurduq və futbolda bu, ən vacib şeydir.

Onlar əla çıxış etdilər, biz çox əziyyət çəkdik. Bu, ən çox əziyyət çəkdiyimiz matçdır. Amma düşünürəm ki, biz finala çıxmağa layiq idik".

Qeyd: Mayın 31-də həlledici Münhen finalında "İnter Milan" ilə qarşılaşacaq PSJ üçün Lissabonda Bayern Münhenə 0:1 hesabı ilə uduzandan beş il sonra ikinci Çempionlar Liqası finalı olacaq.

Keçən il parislilər Luis Enrikenin klubdakı ilk mövsümündə yarımfinalda Dortmund Borussiyasına məğlub olmuşdular.