Sabah - Bazar gecəsi PSJ Parisin mərkəzində Liqa 1 çərçivəsində həlledici derbidə “Paris FK” ilə üz-üzə gələcək.
90plus.az xəbər verir ki, oyun ərəfəsində PSJ-nin baş məşqçisi Luis Enrike “David – Qolyat” qarşıdurması kimi qiymətləndirilən (ən güclü ilə ən zəifin qarşıdurması) bu matçla bağlı fikirlərini bölüşüb.
“Bu, çox gözəldir. Biz xoşbəxtik, qısa müddətdə iki oyun keçirəcəyik”, – Enrike bildirib.
“Bu, şəhər üçün çox gözəldir və ümid edirəm ki, gələcəkdə daha çox belə oyunlar olacaq.
Bunlar xüsusi matçlardır. Çox yaxşı oyun keçirmək və qarşımıza çıxacaq problemlərin öhdəsindən gəlmək istəyirik. Parisdə derbi oynamaqdan məmnunam.
Biz oyuna hər zamankı kimi, vacib hesab etdiyimiz məqamlar üzərində hazırlaşırıq.
Onların nə edəcəyini təxmin etmək çətindir. Mövsüm ərzində dəyişiblər. Ümumiyyətlə, komandalar bizə qarşı oynayanda tez-tez dəyişiklik edirlər.
Onların keyfiyyəti var, asan olmayacaq. Xüsusən də derbi olduğu üçün bu, xüsusi bir hadisədir.
Bu, çox özəldir, çünki düşünürəm ki, bu iki stadion bir-birinə bu qədər yaxın olan nadir hallardandır. Burada oynamaq möhtəşəmdir”, – deyə Enrike əlavə edib.
ℹ️PSJ-nin evdə “Paris FK”mı məğlub edəcəyi gözlənilir. Qələbə halında parislilər turnir cədvəlinin zirvəsində qərarlaşan “Lans”dan cəmi bir xal geri qalacaqlar.
