Xana indi çox qürurlu və xoşbəxt olmalıdır. Luis Enrike 2019-cu ildə sümük xərçəngi (osteosarkoma) səbəbilə 9 yaşında vəfat edən qızı Xana üçün 2025 UEFA Çempionlar Liqasının finalındakı qələbəsini ithaf edib.
90plus.az xəbər verir ki, Luis Enrike hər uğurunda qızını xatırladığını vurğulamışdı.
PSJ-nin baş məşqçisi kimi İnterə qarşı 5:0 hesablı tarixi qələbə qazandıqdan sonra Enrike Xanaya olan sevgisini və xatirəsini ön plana çıxarıb.
Finaldan sonra Enrike üzərində qızı ilə birlikdə təsvir olunan və PSJ bayrağını sancdıqları bir illüstrasiyanın yer aldığı xüsusi köynək geyinib. Bu təsvir, 2015-ci ildə Barselona ilə qazandığı Çempionlar Liqası titulunu qeyd etdiyi zaman qızı ilə çəkilmiş fotoya istinad edir. PSJ azarkeşləri də bu anı unutmamış, tribunada həmin təsvirin yer aldığı tifo nümayiş etdirərək Enrikeyə dəstək olublar.
Enrike qızının fiziki olaraq yanında olmasa da, ruhən hər zaman onunla olduğunu bildirib. O, Xanaya olan sevgisinin və xatirəsinin daim yaşadığını vurğulayıb.
Bu emosional anlar PSJ-nin ilk Çempionlar Liqası titulunu qazanması ilə daha da mənalı olub. Enrikenin şəxsi itkisi ilə peşəkar uğurunun bir araya gəldiyi bu an, futbol dünyasında dərin təsir yaradıb.
