“Inter Mayami” hücumçusu Luis Suárez finalda qalmaqal yaradıb.

90plus.az xəbər verir ki, Liqa Kuboku finalında keçirilən “Inter Mayami” – “Sietl Sаunders” qarşılaşması (0-3) qalmaqalla yadda qalıb.

Matçdan sonra “Inter Mayami”nin hücumçusu Luis Suárez rəqib komandanın oyunçusu Obed Vargasla mübahisə edib. Onun gərgin anlarda Vargasın boynunu sıxdığı, daha sonra isə “Sietl Sаunders” klubunun əməkdaşlarından birinə tüpürdüyü bildirilir.

Hadisə meydançada qarışıqlığa səbəb olub. “Inter Mayami”nin digər oyunçusu Serxio Buskets də insident zamanı rəqibə qarşı aqressiv hərəkət göstərib.

Final oyununu 3-0 hesabı ilə qazanan “Sietl Sаunders” ilk dəfə kubokun sahibi olub və növbəti mövsüm “Konfederasiya Çempionlar Kuboku”nun 1/8 finalına birbaşa vəsiqə əldə edib. “Inter Mayami” isə turnirə daha əvvəlki mərhələdən qatılacaq.

İCMAL VİDEO: https://t.me/doxsanplus/107033

Hadisə ilə bağlı təşkilatçıların və intizam komitəsinin qərar verəcəyi gözlənilir.