Lukaku son saniyələrdə “Napoli”yə qələbə qazandırdı.
90plus.az xəbər verir ki, İtaliya A Seriyasının 27-ci turunda “Napoli” səfərdə “Verona”nı 2:1 hesabı ilə məğlub edib.
Hesabı 2-ci dəqiqədə R. Hoylund açsa da, 64-cü dəqiqədə Akpa Akpro tarazlığı bərpa edib. Matçın taleyini isə 90+6-cı dəqiqədə Romelu Lukaku həll edib və “Napoli”yə vacib 3 xal qazandırıb:
Verona 1 - 2 Napoli
R. Hoylund 2’
Akpa Akpro 64’
R. Lukaku 90+6’
Belçikalı hücumçu mövsümün böyük hissəsini bud nahiyəsindən aldığı zədə səbəbindən buraxmışdı. Bu qol onun cari mövsümdə ilk rəsmi qoludur. Matçdan sonra Lukaku emosional açıqlama verib:
“Atamı itirmək hər gün ağır gəlir. Amma uşaqlarım, qardaşım və mənə çox şey verən Neapol üçün davam edirəm. Bura gəlməzdən əvvəl sanki ölmüşdüm. Keçən il yaxşı iş gördük. Bu mövsüm çətinliklər oldu, amma yolumuza davam etməliyik.”
Bu qələbə ilə “Napoli” çempionluq mübarizəsində mövqeyini möhkəmləndirib və sona qədər mübarizə aparacağını göstərib.
