Millimizin hücumçusu Mahir Emreli “Nürnberq” ilə olan müqaviləsini uzatmayacaq.
90plus.az xəbər verir ki, 2-ci Bundesliqa təmsilçisinin rəsmi saytında yayılan məlumata əsasən, 28 yaşlı forvardla olan müqavilə yenilənməyəcək. Bu qərarla hər iki tərəf də razılaşıb.
"Nürnberq”in idman direktoru Joti Xatsialeksiu:
“Müqavilə müddəti mövsümün sonunda bitəcək oyunçularla bağlı tez qərar vermək bizim üçün vacibdir. Mahirlə yaydan sonra münasibətlərimizi davam etdirməməyə razılaşdıq. Ona bu mövsüm göstərdiyi səylərə, xüsusən də fədakarlığına görə təşəkkür edirəm”.
Emreli karyerasını Bundesliqada davam etdirmək istəyir (📰: Bild).
Qeyd: Mahir Emreli ötən yay “Nürnberq”ə keçib, 1 illik sözləşmə imzalamışdı. O, bu mövsüm Almaniya təmsilçisi ilə bütün turnirlərdə 23 oyunda 8 qol və 1 qol ötürməsi ilə yadda qalıb.
