“Sky Sports”un məlumatına görə, “Mançester Siti”nin “Puma” ilə imzaladığı yeni forma sponsorluğu müqaviləsinin dəyəri ən azı 1 milyard funt sterlinqdir. Bu, Premyer Liqa tarixində rekord göstərici hesab olunur.

90plus.az xəbər verir ki, razılaşmaya əsasən, klub hər il təxminən 100 milyon funt sterlinq gəlir əldə edəcək. Müqavilə minimum 10 il müddətinə nəzərdə tutulub.

Bu, klubun əvvəllər “Puma” ilə illik 65 milyon funt sterlinq dəyərində olan müqaviləsindən xeyli yüksək məbləğdir.

Mövcud müqavilənin hələ 4 ili qalmasına baxmayaraq, tərəflər yeni şərtlərlə razılığa gəlib və anlaşmanı ən azı 2035-ci ilə qədər uzadıblar. Müqavilənin daha da uzadılması ehtimalı da var.