İngiltərə Premyer Liqasında “Nyukasl Yunayted” Harvi Barns sayəsində "Mançester Siti” üzərində yaddaqalan qələbə qazanıb.
90plus.az xəbər verir ki, səs-küylü “Sent-Ceyms Park” arenada əldə olunan bu qələbə mövsümün ən emosional anlarından biri olub:
Nyukasl 2 - 1 Man Siti
Barns 64’ 70’
R. Diaş 68’
Qollar: https://t.me/doxsanplus/111003
“Man Siti” uduzur və “Arsenal” Şimali London derbisində qalib gəlsə, turnir cədvəlində lider kimi 6 xal üstünlüyə sahib ola bilər.
Bu qələbə baş məşqçi Eddi Hau üçün ideal cavab idi. Komanda yığma oyunları öncəsi “Brentford”a 1:3 hesabı ilə uduzmuşdu, lakin bu dəfə Pep Quardiolanın komandasına qarşı nadir qələbələrdən birini qazandılar.
Meydan sahibləri sonda nəhəng boylu qapıçı Canluici Donnarummanın dirənişini də qıra bildi.
“Mançester Siti” isə bu məğlubiyyətə görə əldən qaçan şansı düşünəcək. Qələbə onlara turnir cədvəlində “Arsenal”la aradakı fərqi bir xala endirmək imkanı verə bilərdi.
Quardiolanın komandası həlledici qola görə narazı qalıb. Həmçinin, ilk hissədə Fil Fodenin Şarla mübarizədə yıxılmasına görə böyük penalti tələb etsələr də, hakim oyunu davam etdirməyə qərar verib.
Premyer Liqada 100 qola ən tez çatan futbolçu olmaq üçün gözləntisi bir qədər də uzanan Haaland qarşılaşmanın əvvəlində Ceremi Doku tərəfindən qapı qarşısına çıxarılsa da, asma zərbəsi hədəfdən yan keçib.
Bu axşam isə “Nyukasl”ın axşamı idi. Eddi Hau Premyer Liqada karyerasında ilk dəfə “Mançester Siti”ni və Pep Qvardiolanı məğlub etməyə nail oldu:
14 məğlubiyyət
2 heç-heçə
1qələbə
