“Mançester Yunayted” azarkeşlərindən birinə sosial şəbəkədə “Çelsi” barədə homofob ifadə işlətməsinə görə üç il müddətinə stadionlara girişi qadağan edib.

90plus.az xəbər verir ki, həmin şəxs London klubunun azarkeşlərini “rent boys” (homoseksuallara qarşı təhqiredici ifadə) adlandırıb.

Premyer Liqa təmsilçisi təsdiqləyib ki, azarkeş “Çelsi”yə və onun azarkeşlərinə qarşı təhqiramiz ifadələr işlətməklə klubun stadion qaydalarını pozub. “Rent boys” termini uzun müddətdir təhqiramiz ifadə və nifrət cinayəti kimi Böyük Britaniyanın Kral Prokurorluğu tərəfindən tanınır.

Həmin şəxs həmçinin sosial şəbəkədə “Mançester Yunayted”in müdafiəçisi Dioqo Dalotu təhqir etdikdən sonra klub rəsmiləri tərəfindən saxlanıldığını da lovğalanaraq yazıb.

Klubun rəsmi məktubunda qeyd olunub:

“Bizə məlum olub ki, siz klubun rəsmi qaydalarını pozmusunuz. Xüsusilə, “Çelsi” klubuna və onun azarkeşlərinə qarşı homofob məzmunlu yazılı və ya onlayn ifadələrdən istifadə etdiyiniz müəyyənləşib.

Bu davranış stadion qaydalarına və klubun rəsmi sanksiya sənədinə ziddir. İlk qayda pozuntusu üçün cəza – üç il müddətinə (ev və səfər oyunlarından) uzaqlaşdırmadır.”