"Mançester Yunayted" Harri Maquayrla müqaviləni uzatdı.
90plus.az xəbər verir ki, İngiltərə təmsilçisi "Mançester Yunayted" müdafiəçisi Harri Maquayr ilə müqaviləni uzadıb.
Klubun yaydığı açıqlamada 33 yaşlı futbolçunun yeni müqaviləsinin 2027-ci ilin iyun ayına qədər qüvvədə olacağı bildirilib. Razılaşmada əlavə olaraq 1 illik uzatma opsiyasının da yer aldığı qeyd olunub.
Harri Maquayr karyerası ərzində "Şeffild Yunayted", "Hall Siti", "Viqan" və "Lester Siti" kimi klublarda çıxış etdikdən sonra 2019-cu ildə "Mançester Yunayted"ə transfer olunub.
İngiltərə millisinin üzvü olan müdafiəçi "Mançester Yunayted" forması ilə indiyədək 266 oyunda meydana çıxıb.
