“Mançester Yunayted” Coşua Zirkzeni satmaq istəmir – holland hücumçu komandada qalacaq.
90plus.az xəbər verir ki, “Mançester Yunayted” rəhbərliyi gənc hücumçu Coşua Zirkzenin gələcəyi ilə bağlı qərarını verib. İtaliyanın nüfuzlu “Corriere dello Sport” nəşrinin məlumatına görə, klub hollandiyalı forvardı heyətdə saxlamaq niyyətindədir və onun transferinə açıq deyil.
Zirkzeyə A Seriyasından bir neçə klub, o cümlədən “Milan”, “Roma” və “Fiorentina” maraq göstərir. Lakin “Qırmızı Şeytanlar” onun potensialına inanır və yeni baş məşqçi ilə birlikdə gənc futbolçunun daha da inkişaf edəcəyini düşünür.
21 yaşlı hücumçu ötən mövsüm “Bolonya” klubundakı uğurlu çıxışı ilə diqqətləri cəlb etmiş və yayda “Mançester Yunayted”ə transfer olunmuşdu. Onun texniki bacarığı və hücumdakı çevikliyi məşqçilər korpusu tərəfindən yüksək qiymətləndirilir.
