Ruben Amorim: “Onananın keyfiyyəti var idi, amma dəyişiklik lazım idi”.
90plus.az xəbər verir ki, “Mançester Yunayted”in baş məşqçisi Ruben Amorim mətbuat konfransında qapıçı vəziyyətinə aydınlıq gətirib. Portuqaliyalı mütəxəssis yay transfer pəncərəsində klubdan ayrılan Andre Onananın durumuna və gələcək planlara toxunub.
Amorim bunları deyib: “Andre “İnter”də çox yaxşı mövsüm keçirmişdi, keyfiyyəti də var idi. Amma bəzən klubda hər şey çətinləşir. Burada isə təzyiq hər detalda hiss olunur, bəzən sadəcə dəyişiklik lazımdır. Onananın komandada qalması variant kimi düşünülə bilərdi, amma klub olaraq dəyişməyin zəruri olduğunu gördük. Bəzən nəyin səhv getdiyini göstərmək çətindir — performans, an, bəxtsizlik… Hər şey bir araya gəldi. Bizim düşüncəmiz qapıçı mövqeyində dəyişiklik etmək idi. Ona uğurlar arzulayıram. Çox çalışqan idi, oyunçulara da kömək edirdi, amma bəzən mühitin dəyişməsi vacib olur”.
Amorim həmçinin Premyer Liqanın növbəti turunda “Mançester Siti” ilə oyunda qapıda kimin olacağını açıqlayıb. Baş məşqçi gənc qapıçı Senne Lammensin yox, türkiyəli Altay Bayındırın əsas heyətdə yer alacağını təsdiqləyib:
“Altay davam edəcək. Bu, başqa ölkədir, başqa liqadır, başqa topdur. Lammens mübarizə aparacaq, amma mən Altaya inanıram, o, oynamağa hazırdır. Senne böyük potensiala malikdir, amma indi bizə çox təcrübəli və güclü qapıçı lazımdır”.
Qeyd: “Mançester Yunayted” – “Mançester Siti” qarşılaşması bazar günü keçiriləcək.
