İngiltərənin nəhəng klublarından biri olan "Mançester Siti"nin yeni transferi misirli hücumçu Omar Marmuş milli komandada keçirilən oyunda zədələnib.

90plus.az xəbər verir ki, klubun rəsmi açıqlamasına əsasən, futbolçu bu həftə sonu baş tutacaq "Mançester Yunayted" ilə derbi qarşılaşmasında meydana çıxmayacaq. Klubdan verilən məlumata görə, 26 yaşlı hücumçu dünən Misirin Burkina-Faso ilə keçirdiyi 2026 FIFA Dünya Çempionatının Afrika seçmə mərhələsi oyununda zədə alıb.

Derbidə iştirak etməyəcək

Zədənin ciddiliyini müəyyən etmək üçün Omar Marmuşun yaxın günlərdə yenidən Mançesterə qayıdacağı bildirilir. Bu səbəbdən o, bazar günü keçiriləcək "Mançester Yunayted" ilə oyunda komandasına kömək edə bilməyəcək.

Qeyd: Misirli futbolçu bu mövsüm "Mançester Siti"nin heyətində 28 oyunda çıxış edərək 8 qol vurub.