“Mançester Yunayted” klubunda ciddi dəyişikliklərin ilk mərhələsi baş tutdu.

90plus.az xəbər verir ki, Premyer Liqanın nəhəng klubu 10 futbolçusunun müqaviləsinin başa çatdığını və komandadan ayrıldığını rəsmi şəkildə açıqlayıb.

Klubun yay transfer dövrü üçün yenidənqurma planları çərçivəsində həyata keçirdiyi bu addım “Qırmızı Şeytanlar”da köklü dəyişikliklərin başlanğıcı kimi dəyərləndirilir.

Ayrılan futbolçuların siyahısı:

• Kristian Eriksen

• Viktor Lindelöf

• Conni Evans

• Tom Hiton

• Hubert Qraçık

• Cek Kinqdon

• Sem Marrey

• Tom Mayls

• Ceyms Nolan

• Tom Vuster

Tom Hitonla danışıqlar davam edir

Bu siyahıda diqqət çəkən istisnalardan biri isə təcrübəli qapıçı Tom Hiton oldu. Klubun verdiyi məlumata əsasən, 39 yaşlı qapıçı ilə yeni müqavilə üçün danışıqlar davam edir. Əgər görüşlər müsbət nəticələnərsə, Hitonun “Mançester Yunayted”də qalması gündəmdədir.

Yay transfer pəncərəsində heyətə yeni adların cəlb olunacağı gözlənilir. Klub rəhbərliyinin gələcək strategiyası və yeni transfer planları azarkeşlər tərəfindən böyük maraqla izlənir. “Mançester Yunayted”də bu yay olduqca hərəkətli keçəcək.