Dieqo Maradona haqqında animasiya serialı çəkiləcək.
90plus.az xəbər verir ki, əfsanəvi argentinalı futbolçu Dieqo Maradonanın həyatı və karyerası barədə animasiya serialı hazırlanacaq. Layihənin intellektual mülkiyyət hüquqları Hindistanın "Reliance Animation" şirkəti tərəfindən əldə olunub.
"Reliance Entertainment" qurumunun bir bölməsi Maradonanın uşaqlıq illərindən başlayaraq dünya miqyaslı şöhrətə qədər uzanan yolunu əks etdirən animasiya serialı çəkəcək. Serialda futbolçunun karyerasının əsas məqamları, şəxsi çətinlikləri və dünya futbol mədəniyyətinə təsiri xüsusi vurğulanacaq.
Dieqo Maradona hücumameyilli yarımmüdafiəçi və hücumçu kimi çıxış etmiş Argentina futbol əfsanəsidir. O, 1986-cı il dünya çempionu, 1990-cı il dünya çempionatının isə gümüş mükafatçısıdır. FIFA saytında keçirilən səsvermənin nəticələrinə əsasən, Maradona son əsrin ən yaxşı futbolçusu seçilib.
Həmçinin oxu:
