İtaliyalı hücumçu Mario Balotelli karyerasını ABŞ-da davam etdirə bilər.

90plus.az xəbər verir ki, son olaraq “Cenoa” klubunun formasını geyinmiş 34 yaşlı futbolçu hazırda azad agent statusundadır.

Təcrübəli forvardla ABŞ-ın MLS liqasında çıxış edən klublardan biri maraqlanır. Balotelli bu transferlə “İnter Mayami”də çıxış edən Lionel Messi ilə eyni liqada mübarizə apara bilər.

Uzun illər “İnter”, “Mançester Siti”, “Milan” və “Liverpul” kimi klublarda oynamış Balotelli daha əvvəl Türkiyədə “Adana Dəmirspor”un formasını da geyinib. Həmçinin o, İtaliya millisində də 36 oyunda iştirak edib və 14 qola imza atıb.

Əgər Balotelli MLS-ə transfer olunsa, bu, həm onun üçün yeni bir səhifə, həm də Amerika liqası üçün diqqətçəkən hadisə ola bilər.