“Qarabağ”ın yarımmüdafiəçisi Marko Yankoviç ciddi zədə alıb.

90plus.az xəbər verir ki, klubdan verilən məlumata görə, əvvəlcə futbolçunun “Benfika” ilə matçda yaşadığı problemin sadəcə əzələ spazması olduğu düşünülüb. Lakin sonradan MRT nəticələri monteneqrolu oyunçunun dördbaşlı əzələsində gərilmə aşkar edib. Bu səbəbdən Yankoviçin bərpa prosesi təxminən 6 həftə davam edəcək.

Bu müddət ərzində yarımmüdafiəçi UEFA Çempionlar Liqasının qrup mərhələsində “Kopenhagen”lə (1 oktyabr) və “Atletik”lə (22 oktyabr) keçiriləcək görüşlərdə iştirak edə bilməyəcək.

Xatırlatma: Yankoviç ÇL-in 1-ci turunda “Benfika” ilə oyunun 77-ci dəqiqəsində zədələnmişdi. (🔗 Qol)