Argentina millisinin oyunundan sonra maraqlı anlar yaşanıb.

90plus.az xəbər verir ki, Argentina yığması yoxlama görüşündə Mavritaniyanı 2:1 hesabı ilə məğlub edib. Buenos-Ayresdə yerləşən “La Bombonera” stadionunda keçirilən matçda qolları Enzo Fernandes və Nikolas Pas vurub.

Oyuna ehtiyat oyunçular skamyasında başlayan Lionel Messi ikinci hissədə meydana daxil olub. Qarşılaşmanın başa çatmasından sonra isə meydanda maraqlı anlar yaşanıb.

Belə ki, Mavritaniya millisinin futbolçuları və məşqçi heyəti məşhur ulduzla şəkil çəkdirmək üçün meydançaya axışıb. Bu vəziyyətdə çətin anlar yaşayan Lionel Messi təhlükəsizlik əməkdaşlarının köməyi ilə meydanı tərk edə bilib.

Hətta bildirilir ki, maraq bununla bitməyib. Mavritaniyalı futbolçular soyunub-geyinmə otağının qarşısında da Lionel Messi ilə şəkil çəkdirmək üçün növbəyə dayanıb.